ਨੂਰਮਹਿਲ (ਤੀਰਥ ਚੀਮਾ) ਨੂਰਮਹਿਲ ਵਿਖੇ ਦਰਬਾਰ ਬਾਬਾ ਮੁਰਕੀ ਸ਼ਾਹ ਤੇ ਸਲਾਨਾ ਜੋੜ ਮੇਲਾ ਸ਼ਰਧਾ ਪੂਰਵਕ ਨਾਲ ਕਰਵਾਇਆ ਗਿਆ। ਇਸ ਦਰਬਾਰ ਤੇ ਗੱਦੀ ਨਸ਼ੀਨ ਸਾਈ ਸੋਢੀ ਸ਼ਾਹ ਵੱਲੋਂ ਦਰਬਾਰ ਤੇ ਚਾਦਰ , ਝੰਡੇ ਦੀ ਰਸਮ ਤੇ ਚਿਰਾਗ ਰਸਮ ਅਦਾ ਕੀਤੀ ਗਈ। ਇਸ ਮੇਲੇ ਤੇ ਰਾਤ ਨੂੰ ਕਵਾਲ ਦੀ ਮਹਿਫਲ ਸਜਾਈ ਗਈ। ਇਸ ਰਾਤ ਦੀ ਮਹਿਫ਼ਲ ਤੇ ਵੱਖ – ਵੱਖ ਡੇਰਿਆਂ ਤੋਂ ਸਾਈ ਮਹਾਪੁਰਸ਼ ਪਹੁੰਚੇ। ਉਸ ਉਪਰੰਤ ਮੇਲੇ ਤੇ ਗਾਇਕ ਸਵ.ਸਾਬਰ ਕੋਟੀ ਦੇ ਬੇਟੇ ਇਲੇਕਸ ਕੋਟੀ , ਭਾਰਤੀ ਸ਼ਰਮਾਂ , ਜਮਨਾ ਰਸੀਲਾ , ਜੋਤੀ ਸੱਭਰਵਾਲ , ਸਨੀ ਮਿੱਤਲ , ਸ਼ਮੀ ਅਲੀ ਆਦਿ ਕਲਾਕਾਰ ਆਪਣੇ – ਆਪਣੇ ਸੂਫੀ ਕਵਾਲ ਤੇ ਕਲਾਮ ਅਤੇ ਸੱਭਿਆਚਾਰਕ ਗੀਤਾ ਰਾਹੀਂ ਹਾਜ਼ਰੀ ਲਗਾਈ। ਇਸ ਮੇਲੇ ਤੇ ਮੰਚ ਦੀ ਭੂਮਿਕਾ ਦੀਪਾ ਮਿਓਵਾਲੀਆਂ ਨੇ ਨਿਭਾਈ। ਇਸ ਮੇਲੇ ਬੱਬੂ ਗਿੱਲ ਨੂਰਮਹਿਲੀਆਂ ਡੇਰੇ ਦੇ ਸੇਵਾਦਾਰ , ਸੁਰਿੰਦਰ ਕੁਮਾਰ ਸ਼ਰਮਾਂ ਅੰਕਲ, ਦਵਿੰਦਰ ਪਾਲ ਚਾਹਲ , ਸੰਜੂ ਸ਼ਰਮਾਂ , ਗੁਰਪ੍ਰੀਤ ਸਿੰਘ , ਬਾਲਕ੍ਰਿਸ਼ਨ ਬਾਲੀ , ਤੀਰਥ ਚੀਮਾਂ , ਅਵਤਾਰ ਚੰਦ , ਨਰਿੰਦਰ ਕੁਮਾਰ ਭੰਡਾਲ ਹਾਜ਼ਰ ਸਨ। ਇਸ ਮੇਲੇ ਮਿੱਠੇ ਠੰਡੇ ਜਲ ਦੀ ਛਬੀਲ ਤੇ ਗੁਰੂ ਦਾ ਅਤੁੱਟ ਲੰਗਰ ਵੀ ਲਗਾਇਆ ਗਿਆ। ਆਖਿਰ ਚ ਸੇਵਾਦਾਰਾਂ ਤੇ ਕਲਾਕਾਰਾਂ ਦਾ ਦਰਬਾਰ ਦੇ ਗੱਦੀ ਨਸ਼ੀਨ ਸਾਈ ਸੋਢੀ ਸ਼ਾਹ ਵੱਲੋਂ ਸਨਮਾਨ ਕੀਤਾ ਗਿਆ।